Керда саноторен-хьун ишкол хьалъеш латт вай мехка
22.09.2025 14:43
Къаьнарчун когаметта керда саноторен-хьун ишкол хьалъеш латт тахан Галашка. Къаьнара гӏишло тишъенна дикка ха я; цул совгӏа, хила дезачул дукхагӏа бераш да цу чу ха йоаккхараш. Юрташкара хьал таханарча ханага хьежжа тоадарах йолча федеральни проектага гӏолла дӏахьош ба из болх мехкарча гӏишлошъяра Министерствос тӏадилла.
120 сага моттигаш луш хургья из моттиг. ӏобувша, хӏама даа моттигаш, иштта библиотека, дешара классаш, лорий кабинет хургья цу чу. Цул совгӏа, волейбола, футбола, баскетбола лаьрхӏа доазош къоастадергда коа.
«Къоастаяьча ханага хьежжа, дӏабодаш ба болх. Гӏишлон наӏараш хьаелла лерхӏ 2026-ча шерарча лайчиллан бетта», - дийцар тхога цу оагӏонцарча министерствос.
