Шолжа бердаш цӀенде арабаьннаб, Ӏаламах дог лазараш
Экологе хьал лорадара тӀехьара болам хьаллоацаш, Шолжа гонахьара йистош цӀенъеш болх дӀахьош ба, Ӏаламах дог лазаш бола бахархой. Из хоам «Сердалога» бир Ӏалама гӀулакхех йолча министерствон болхлоша.
«Магасерча Шолжа гонахьара 3 км кхоачаш дола доазув цӀендеш, 673 гали нувхаш гулъяьй, Даьла духьа гӀо де араваьнна лелача 480 сага.
Из болам дӀахьораш ба Ӏалама гӀулакхех йолча Министерствон болхлой.
Цу беркатеча гӀулакха юкъе дакъа лаца арабаьннаб хьун боахама къахьегамхой, студенташ, цӀи яьлча оарцагӀаухараш», - йоах тхогарча хоамо. Ӏалам лорадераша хьалхадоах, Ӏокхувсача нувхаша Ӏалама доккха зе деш хилар.
Аренаш цӀенъеш дӀахьоча балха юкъе дакъа лоацаш хилар, Ӏаламах дог лазаш хилар да. «Россе хиш» яха болам хьаллоацаш, цу тӀехьа дика толамаш доахаш хьайоагӀа вай республика.
Белгалде деза, соахка Шолжа кхале дӀадихьа доккха къахьегама шоатта хьаллаьцараш 20 000 совгӀа саг хиннилга.
