ГӀалгӀайчен юртбоахама 2024 шера гӀо даьд 452,2 млн сома
ГӀалгӀай Республикан Паччахьалкхено 2024 шера баьча балхах ГӀалгӀай Республикан Халкъа Гуллама хьалха дувцача хана, премьер-министра В. Сластенина белгалдир, мохк дегӀабоалабара керттерча оагӀонех цаӀ юртбоахам хилар.
«ГӀалгӀай Республикан Кулгалхочо хьалхашка оттадаь декхараш кхоачашдеш, иштта 2024 шера кхачан даараш маьха лакха хургдоацаш 11 ярмарка дӀайихьар мехка даькъ тӀа.
«Юртбоахам дегӀабоалабар, юртбоахама кхачан, бийдала хьал тӀахьожам болаш хилийтара» юртбоахама даараш арахецаш болча наха паччахьалкхен оагӀорахьара новкъостал лоаттадаьд 452,2 млн сома», - аьлар хоамо.
Из деррига а деш дар республикан АПК даькъ тӀара юртбоахама хьал тоадара.
Белгалдир, дерригача боахама лаьтташ тӀа юртбоахама культураш дӀайийна хилар 71,8 эзар гектар.
Цунца цхьана ара хаоттам чоалхане хиларах, 2024 шу республикан юртбоахамхошта аттачарех хиланзар, иштта мехка кхыча боахамашка а нийсделар. ГӀалгӀай Республикан Кулгалхочо лаьрхӀар республикан цхьайолча моттигашка чоалхане хьал хилара боарам юкъебаккха. Цу тайпара гуш хилар лаьтта докъадаларах хинна зе 800 млн сом долга.
Деррига а чуийца ка бола ялаташ 39,9 эзар гектар яр, комараш 66,2 эзар тонн.
Ялата лаьрхӀа дӀадийнад 2025 шера 27,7 эзар гектар лаьтта.
Карарча шера юртбоахамхоша республике дӀадувргда ка бола ялаташ 44 эзар гектара тӀа.
ДӀадахача ханага хьежача, хьайбаш тӀакхеташ доагӀа. Уж да 76,3 эзар (101,9%), царех доахан - 43,5 эзар (101,7%), жа - 354,3 эзар (100,3%).
Иштта белгалдир хьайбай маша арахецара даькъ тӀа дика толамаш даьха хилар, цу юкъе дулх а фуаш а долаш. Карарча хана къахьег ГӀалгӀай Республикан юртбоахаме дика толамаш даха гӀерташ.
