ЕГЭ дӀаялара болх тоабеш ба дӀахо а
Республикан Ӏаьдало, цунна чудоагӀача боахамаша ЕГЭ дӀаяхьара болх тоабергба, из къаьга а нийса а хилийта дагахьа, цун доакъашхошта лерттӀа хьалаш хилийтара, яхаш, дийцар «Сердало» газетага ГӀалгӀай Республикан кулгалхочун зарбан болх лелабераша.
Вай республике керттера ЕГЭ дӀаялара ха чакхъяьлар. 2024 шера экзаменаш дӀалуш дакъа лоацаш хилар 3 127 саг, цу юкъе бар карарча шера дийша баьннараш, иштта дӀадахача шера дийшараш,ОВЗ доакъашхой.
ГӀадвугаш да карарча шера 90 совгӀа баллаш даьхараш вай дукха хилар, уж ба тайп-тайпарча Ӏилмаех, цу юкъе да истори, ингалсий мотт, обществознани, литература.
Белгалваккха лов ши дешархо, дукхагӀа баллаш даьха хиларца - 100 исторех!» - аьлар мехка кулгалхочо Келаматанаькъан Махьмуд-Ӏаьлас, ше ГӀалгӀайчен дешархоех дувцаш.
Цо иштта дийцар, керттера дешара экзамен дӀалуш, юкъе нийсденнача кхоачамбоацарех. Цхьайолча ханашка нийслу де йиш йоацар деш, эггара тамашийна да хьатӀаяздеш вагӀаш хилча. Уж нах бехктокхаме а эзаб, уж мо йола моттигаш хургйоацаш хьажа а веза.
ГӀалгӀайчен Кулгалхочо ловца баьккхар дийша баьннарашта; хержача профессе дика говзанчаш хилда шо, аьнна.
