ВӀаштӀара даьча цӀеной ковнаш тоадеш ба болхлой
10.03.2025 14:25
Базорканаькъан цӀерах болча урам тӀарча 4 «А», 44 номераш йолча вӀаштӀарадаьча цӀеной ковнаш тоадеш болх дӀаболабаьб мехка.
Из хоам «Сердалога» бир шахьара администраце. Шахьара да волча Оздой Руслана бахархой хьашташ кхоачашдеш дӀаболабайта болх ба из. 44-ча цӀен коара кӀоагаш дӀадукъаш боахк карарча хана, цул совгӀа, контейнераш кхыча доазон тӀа дӀаяхьарах ков паргӀатагӀа хургда.
4 «А» долча цӀен ков чудерзадеш карт еш боахк, иштта берашта ловза доазув къоастадергда цига. Шахьара бахархой хьал паргӀатагӀа хилийта дӀаболабаь лоархӀаме болх ба из.
