Дешархой вахарца ювзаенна проекташ увттае Ӏомабу
ГӀалгӀай Республикан кагирхой политикан, туризма Министерствос дӀахохьош ба дешархой вахарца ювзаенна проект оттае Ӏомабеш бола болх. Цу тайпара, Илдарха-ГӀалий тӀарча «Смарт» яхача Ишкола чубоагӀаш, Ӏомабалара болх дӀабихьар. Из хоам «Сердало» газетага бир цигарча зарбан болх лелабераша.
«Россе кагирхой моттигера хьалаш довзача Чахкенаькъан Ӏаьлас хьехамчал а деш, №5 йолча юкъерча ишкола дешархой Ӏомабеннаб вахара проекта, аудиторе декхараш къоастаде. Урока керттерча даькъе берашта хьалхадаьккхар грантови дехар яздар, цох тийша да дӀахо балха хургдар», - аьлар тха газетага.
Кхетаче йистейоалаш, бераш Ӏомадир керттердар шоай вахара юкъедоаладе, лаьрххӀача хана борам лора а беш.
«Вахара проект оттаяр - из грантови новкъостал эцар хинна Ӏац, цо кагирхой вахарцара безам, хьинар совдоаккх. Шун берашта могаргда шоашта гонахьара дуне хувца!», - аьлар Чахкенаькъан Ӏаьлас.
