ГӀалгӀай мехка кердайоахаш, тоаеш латт промышленни майдаш
25.02.2025 16:58
ГӀалгӀай паччахьалкхе къахьегаш я промышленни моттигаш кердайоахаш, тоаеш Илдарха-ГӀалий тӀа, Ӏаьлий-Юрта, Махьмад-Хи тӀа. ХӀара майда 50 гектар я, цо таро лургья 900 балха моттиг хьакхолла, яхаш, дийцар «Сердало» газетага лаьрххӀача хоамо.
ГӀалгӀай Республикан йоккха кхетаче йолаш, премьер-министра Сластенин Владимира кулгал а деш, дийцар уж моттигаш тоаярах а дӀахо царех пайда эцарах.
Илдарха-ГӀалий тӀарча промышленни дакъа тоадара чуйоагӀаш я ворхӀ моттиг, царех я каьхата гӀирсий фабрика, кӀалах радиатораш арахецаш йола завод. Ӏалий-Юрта белгалъяьй ийс моттиг, цу юкъе я гӀирсаш тега фабрика, берий кхачана комбинат.
Махьмад-Хи тӀара моттиг кийча я инвеститицей хьал юкъедаккха, дӀахо проекташ дӀахьоргйолаш.
