«ЭкотӀехье» яхача проекто республикера хьинар дола дешархой гулбир
«Къахетам хьалхарчарца ба» яха кхетаче хьайийллар мехкарча «Мужече» яхача РСТЦ. Цига дакъа лоацаш бар Ӏалама гӀулакхех йолча Министерствон хьалха латта Мизенаькъан Микаил, цун гӀонча Ӏарчакханаькъан Ахьмад. «Сердалога» из хоам бир министерстве.
«Республикера 100 совгӀа гӀо деш лелараш гулбир цу йоккхача кхетачено. «ЭкотӀехье» яхача проекто гаргабигар ишколашкара эггара кадайгӀа, хьинар долашагӀа бараш, цу оагӀонца дикка белгалбаьннараш», - дийцар тха газетага.
ЧӀоагӀа раьза болаш, дакъа лоацаш бар цу юкъе къонабараш. Цига дийцар экологе, спорта, унахцӀенон оагӀошца кагирхоша болх дӀакхахьарах, гӀо деш леларий наькъаца дувзаденнараш дикка доаржадарах.
Иштта цхьана болх дӀакхахьаро кагирхой дӀа-хьа бовзийт, юкъера барт, безам чӀоагӀбу. Даьхен гӀулакха латта, цун хьал тоадеча наькъашка къахьегаш белгалбала аьттув ба къоначар.
