Панкратионах йола СКФО яхьаш дӏахьоргья вай мехка
30.01.2026 09:00
Панкратионах йола СКФО Чемпионат дӏахьоргья вай республике укх шера. Из хоам «Сердалога» бир цу оагӏонцарча министерстве.
«Йовлой Берда цӏерах йолча «Магас» яхача спорта Двореце дӏаяхьа лерхӏ яхьаш саькура бетта 6-ча денгара 8-ча денга кхаччалца. 1000 совгӏа спортсмен ва цига гуллургвараш.
Турнирага гӏолла вӏашагӏйолларгья СКФО гулъяь тоаба», - йоах тхога кхаьчача хоамо. Россе панкратионах йолча Федераце, мехкарча спорта гӏулакхех йолча министерствос, мехкарча спортацарча латарах йолча Федераце хьаллоацаш дӏахьош я яхь.
Саькура бетта 7-ча дийнахьа нийсса ийс сахьат даьлча, дӏайолалургья уж.
