Балха говзала яхь хургья вай мехка
ГӀалгӀай Республике дӀахьоргья «Абилимпикс» яха балха говзал гойташ йола яхь, из дӀахьош хилара бахьан да, могаш боацача наьха профессиональни дешар деша таро хилийтар, юкъарча балха дакъа лоацаш уж хилийтар, яхаш, дийцар «Сердало» газетага вахара а дикача хьалий а колледже.
«Кхетаче дӀахьоргья Наьсаре, маьтсела бетта 15-ча денгара 17-ча денга кхаччалца, «Абилимпикс - массанена» яхача белгалонца. Яхьаш тайп-тайпарча доакъошка дӀаяхьа лерхӀ, 14 шу даьннараш гизгашца гӀирсаш ду кулгаговзал гойташ хургба, иштта уж хургба тхах гӀирсаш деш, графикан лостамагӀа сурташ дехкаш.
Говзанчий мугӀарашка хургба массажисташ, кондитерски гӀулакх карагӀдоалараш, юххьанцарча классай хьехархой. Итт лостам болаш хургья студенташа дакъа лоаца яхьаш, цар таро я «Веб-дизайн», «Йоазош дешар», «Лорий, социальни гӀулакх дар», «Хьоарах даар кийчдар», «Экскурсовод» хилар санна йола говзалаш гойта, иштта кхы а дукха таронаш я цар», - аьлар хоамо.
Белгалду, «Абилимпикса» чуйоагӀаш, «Тароний фестиваль» дӀайихьай, могаш боацарашца.
