«Укх бетта 30-ча денгара кердача бетта 6-ча денга кхаччалца; урамаш, паркаш, сквераш, наькъашта гонахьара моттигаш цӀенъеш, наькъашкара кӀоагаш дӀадукъаш болх дӀабахьа лерхӀ республике. Эггара дезагӀа дола цӀай хьатӀадоагӀаш; вай юрташ, шахьараш кийчъеш, лостам беш, дӀахьоча балха юкъе дакъа лаца ловш волчо из беркате болам хьаллацар сийлахьа хургда», - белгалдир вай мехкадас Келаматанаькъан Махьмуд-Ӏаьлас, цу лоархӀамеча гӀулакхах дувцаш.

Мехка кулгалхочо хьоахадир; иштта доккха, беркате дола цӀай республикера моттигаш хоза лостам баь, цӀенъяь латташ, цу хӀаманца дог ловзаш; дӀадахьа деза, аьнна.

Иштта лоархӀаме дола къахьегама шоатта хьаллацар да, вай юхь сийрдайоаккхаш, воашош дахача моттигашцара безам хьагойташ. Цудухьа воккхачо а зӀамигачо а араваьнна, цхьа барт болаш дӀадахьа деза из беркате гӀулакх!