ГӏалгӀай мехка дӀахьоргья, «Моттиг зе» яха суртий республикан яхь
Ардара бетта 22-ча денгара лайчилла бетта 4-ча денга кхаччалца, «Кванториум» яхача технопарко вӀашагӀйоллаш я 9-17 шу даьннарашта юкъера суртий яхь, яхаш дийцар «Сердало» газетага дешара моттиге.
«Халкъа цхьоагӀон денна хетаяь йола кхетаче дӀахьоргья, шоайла гуш, дӀа-юха бувзам болча кепара. Цунна чудоагӀаш да кхо дакъа. «ДоттагӀала моттигаш»- дег чура доттагӀал дола моттиг гойтар. «Ӏадаташ, культура» яхача даькъ тӀа хила деза, культуран тайп-тайпара оагӀонаш, иштта къаман Ӏадаташ гойташ дола сурташ. «Лоаман хозале» яхача даькъ тӀа берашта могаду Ӏалама хозал, ГӏалгӀайчен лоамий доккхал гойта», - аьлар хоамо.
Яхье бокъонех файла кеп хила еза JPEG е PNG, 8 Мп кӀезигагӀа йоацаш. Доакъашхошта таро луц гомаш де, кулг язде, цхьацца белгалонаш е, цхьа шу даьнна сурташ юкъедаха.Кхелахой болх дӀахьоргба Шивцов Евгене, Саганаькъан Адама, Тӏумхой Тимура.
