ГӀалгӀай мехка хилар «Кавказа мукъамаш» яха Французов Казбека гойтам
Шолже бекарга бетта 22-ча дийнахьа дӀабихьар суртанча-дизайнера, Россе суртанчий Союза доакъашхочун Французов Казбека гойтам, яхаш, дийцар «Сердало» газетага ГӀалгӀай Республикан культуран Министерствон хоамий отдела кулгалхочо Хазанаькъан Хатимата.
«Ӏилмай Академе, культуран, дешара, Кавказа бизнеса академика балхаша хьагойт тамашийна къарший халкъа Ӏадаташ. Цул совгӀа, автора уж балхаш дика дувз таханарча сурташ дехкара хьалашца. ГӀалгӀай Республикан Паччахьалкхен гойтамий фусаме хургда Французова «Къаьнара ГӀалгӀайче», «Лоаман ГӀалгӀайчен Ӏуйре», «Дунен фуъ», «Бешлоам сатоссаш», «Пилла, цун узамаш» цӀи йола балхаш, - йоах хоамо.
Тхоца къамаьл даьчо яхачох, суртанча безам тӀабаха вар Малсаганаькъан Сосаркъас яздаьча «ЖожагӀатен гӀайренаш» яхача повеста, иштта гӀалгӀай нартски эпоса.
