Насосий керттерча станце хатар хилар
Хин гӀулакхех ЦаӀ волча оператора ГУПо беча хоамах, мехкарча насосий керттерча станце хатар хиннад. Болх талхара бахьан да, цӀаьхха, сов лакха тока низ айбалар. Йиънахьара лилхай хин турбаш. мехкара хин хьал кегадеш да из гӀулакх. Хинна зе мел да тохкаш, из меттаоттергдолча балха йист йоаккхаш ба цу оагӀонцара болхлой.
«Телхар меттадоаладара болх ма хулла сиха чакхбаккха безаш ба. Хатар юстардоаккхача юкъа хий хургдац Шолжа-Шахьаре, Заовражни, Восточни, Солнечни оалача моттигашка; Илдарха-ГӀалий тӀа, Эбарга-Юрта, МагӀалбика шоллагӀча зӀамигача кхале, СоагӀапча, Дола-Коа, Инаркъе», - дийцар «Сердалога».
Хин оагӀонцарча моттига кулгалхоша тӀахьожам беш, дӀахьош ба болх. Хувцамех хоам бергба бахархошка. Хий дӀакъайлача юкъа, сатохаш хилар дех нахага, даггара къахьегаш боахк цига болхлой, сихагӀа из хьал меттадоаладе гӀерташ. Цу оагӀонцарча керттерча сайта тӀа латт моллагӀа хӀама дӀахатта йиш йола телефоний номераш.
