Никъ буллаш латт СВО доакъашхой лаьтташта юхегӀолла
29.10.2024 15:13
Илдарха-ГӀалий тӀа никъ буллаш латт СВО доакъашхой лаьтташ долча моттиге гӀолла, яхаш, дийцар «Сердало» газетага ГӀалгӀай Республикан «Даьхен лорбой» ганза зарбан болх лелабераша.
«Цига никъ цахилар геттара чӀоагӀа Ӏаткъаш дар, цӀенош хьалдеш. Шахьара кулгалхочо Дидиганаькъан Ахьмада, ганза вахара дешашка хьожача Темирханаькъан Ӏийсас новкъостал а деш, из хаттар кхоачашде лаьрхӀар. Мэра тӀадиллача декхарах, кастлуш Хамхой Адама цӀерагӀча урамах керда никъ хургба», - аьлар хоамо.
