Дешархошта бовзийт, Ӏомабу лоӀамхой болх
28.11.2023 13:03
ГӀалгӀайчен дешархошта юкъе каст-каста дӀахьош я лоӀамхой болх бовзийташ йола кхетаченаш, яхаш, хоам бу «Сердало» газетага юкъара цхьанкхетараш кийчдераша.
«Волонтёраш, цар ГӀалгӀайче дӀахьош бола болх» - из да дешара кхетаченна керте латтар, цига гӀолла берашта довз лоӀамхо яха дош, цу мугӀарашка кхаьчача цар кхетаду, цахаддаш дикача гӀулакхашта юкъе дакъа лоацаш хиларо малагӀа пайда лу сага вахаре», - дувц хоамо.
Белгалду, «лоӀамхочун ишкола» яхача Ерригроссе боламо кхувш боагӀарашта тайп-тайпара аьттонаш луш хилар. ХӀанз укх сахьате, ГӀалгӀайчен волонтёраш къахьегаш ба культуран, экологе хьал тоадеча, лорий гӀулакх кӀоаргдеча лостамагӀа.
