Гӏалгӏайче дӏайихьар дрон-рейсингах йола чемпионат
Гӏалгӏайче белгалбир «Кванториума Кубок-2025» яхача республикан дрон-рейсинга чемпионата толамхой. Хӏара шерара яхьаш дӏайихьар Магасерча Республикански берий технопарке, яхаш, дийцар «Сердало» газетага дешара моттига администраце.
Яхьаш йийкъаяр кхаь даькъа. Цкъа хьалхагӏа кхозза гӏайттар уж лаьрххӏача гӏирсаца, тӏаккха из гӏирс ӏохоабара говзал гойтар, кхоалагӏча даькъе хьагойтар шоай сухала даькъ тӏара низ. Керттера судхо вар лакха говзал йола, тӏема-фецарча низа эпсар, иштта пилот чувоацача аппарата говзанча Сукенаькъан Махьмад-Гири», - аьлар хоамо.
Яхьашка дакъа лоацаш хиннарех котвалархо хилар Сурхо тӏарча №2 йолча юкъерча ишкола дешархочох Налганаькъан Басирах. Шоллагӏа моттиг яьккхар, Заьзганаькъан И.Б. цӏерагӏча №1 йолча Буро кӏалхарча юкъерча ишкола дешархоша Дудурганаькъан Ибрахӏима, Гӏазданаькъан Хьусена. Кхоалагӏа моттиг Тӏой-Юртарча №4 йолча юкъерча ишкола дешархочо Коазой Мухьмада. Дикагӏа вола симулятора пилот хилар «Кванториум» яхача берий DJӏ Sӏmulator технопарка дешархочох Разаков Русланах.
«Даькъалабийцар котбаьннараш совгӏаташца! Шун дӏахо мел дола гӏеттараш эггара майрагӏа, безамегӏа хилда, керда лакхаленаш яха низ кхоачалба шун!» - аьлар из болх вӏашагӏбеллараша яхье котбаьннарашка.
Из кхетаче хьаллаьцар дар «Юхь цагураш» яхача Халкъа проекта ше къаьстта коммерчески доаца цхьанкхетар.
