Къилбаседа Кавказерча къамий культурай фестиваль хилар вай мехка
Къилбаседа Кавказа къамий культурашца ювзаенна фестиваль дӏайихьар Магасе. «Культураш вӏаший ювзар, «Этника» яхача Байц Валерияй проектага гӏолла дӏахьош яр из кхетаче. «Сердалога» из хоам бир цу моттигера.
«Къилбаседа Кавказерча къамий культура, ӏадаташ, оамалаш йовзийташ йола моттиг хилар кагирхой цхьанкхетарий Цӏенах. Къамий тайп-тайпара даараш кийчдеш, мукъамий оазаш хозаш, СКФО къамаша хьаьша тӏаэцар мел лакха лоархӏаш да гойташ моттиг яр из. Тайп-тайпарча къамий ноанал, ӏадаташ, кхоллама оагӏонцара вахар, иштта Къилбаседа Кавказа моттигашкара лакха начӏал дола пхьараш, говзанчаш мел бах бӏаргадайра цига», - йоах тхога бенача хоамо.
Иштта цхьан истола гонахьа дӏахьоча кхетаче къамашта юкъерча бувзамех дийцар. Россе къамаш шоайла барт болаш, вӏаший тӏаотташ дахар лоархӏаме хилар белгалдир кхетаче гулбеннараша.
