«Россе хьехархой» яха кхетаче дӏайихьар вай мехка
Наьсарерча № 21 йолча ишколе дӏайихьар «Россе хьехархой» яха республикански кхетаче. Дакъа лоацаш хиннараш бар хьехархой, кулгалхой, иштта берригача мехка дешара оагӏонцара къахьегамхой. Цига дийцар таханарча ханага хьежжа болх дӏабахьарах, кердадарех, керттерчарех.
«Дешареи ӏилмани гӏулакхех йолча министерствон хьалха латтача Цхьорой Ахьмад-Башира дакъа лоацаш хиннача цу вӏашагӏкхетаре белгалдир хьехархой балха тӏа лоархӏамедараш, болх дикагӏа тоабергбола гӏулакхаш. Цига дар гойтама балхаш, лоархӏаме йола дешара проекташ, иштта кхыдараш а. Хьехархой балхаца тахан гучадаьнна кердадараш довза, цхьаццадараш дӏа-хьа эца аьттув хилар гулбеннарий», - дийцар «Сердало» газетага министерстве.
Белгалде деза, иштта йола кхетаченаш йоаржаяр дешара оагӏонца къахьегаш барашта чӏоагӏа лоархӏаме долга.
«Россе хьехархой» яхача кхетаче керттердараш малагӏаш да къоастадарал совгӏа, царцара болх мишта дӏабахьа беза хьагойтар.
