Университете «Герга истол» хилар, Котало йоаккхаш къаман карагӀдаьнначох лаьца
ГӏалгӀай паччахьалкхен университете «Герга истол» дӀахьош дийцар «Сийлахь-боккхача Даьймехка тӀем тӀа - Къилбаседа Кавказа къамаш» яхача темах, яхаш, дийцар «Сердало» газетага исторически факультета воккхагӀа волча хьехархочо Тебой Илеза.
«Из болх вӀашагӀбеллараша, ГӏалгӀай Республикан Паччахьалкхен архива цхьан аудиторе гулбир Ӏилма-тохкама института; арахьарча бувзама, къаман политикан, зарбан, хоамий моттигерча Министерствон, иштта цу даькъ тӀа къахьегаш хьабоагӀа кхыбола викалаш.
Доакъашхошта йовзийтар 10 доклад, цу юкъе яр «ГӏалгӀай - Брестски гӀап лораяьраш», «Кавказ лораеш латар – Сийлахь-боккхача Даьймехка тӀема керттера дакъа», «Сийлахь-боккха Даьймехка тӀом латташ, МагӀалбик лораеш дакъа лацар» яха темаш», - аьлар хоамо.
Из дувцаш, Ӏилман болхлоша бакъдир моастагӀа эшавеча Кавказа бахархоша доккха дакъа лаьца хилар. Цул совгӀа, хьаллаьцар тӀехьа тӀадоагӀача ноахала исторически бакъдар лорадар.
Цунца цхьана, «Гергача истола» доакъашхошта, «Тӏема бераш» яха тематически гойтам байзар, из хетабаь бар, Сийлахь-боккхача Даьймехка тӀема ханарча Къилбаседа Кавказа берашта.
