Къамашта юкъера бувзам чӀоагӀбара хетаяь кхетаче дӀайихьар вайцига
Шин дийнахьа дӀахьош яр «Къамашта юкъера бувзам чӀоагӀбара, къаман политика дегӀайоалаяра» хетаяь мехка программан чуйоагӀаш йола паччахьалкхен программа кхоачашъю семинар. Из дӀахьош хиннар яр арахьарча бувзама, къаман политикан, хоамий, кепайоазон республикан Министерство.
«Кхетаче тӀаерзаяь яр «терроризма, экстремизма профилактика» яра йолча программанна, доал деча даькъ тӀарча Ӏаьдало дӀахьош болча балха юкъе дукхагӀа цу деша терко яра.
Цига гулбеннарий таро хилар шоашта хетар ала, балха говзал екъа, цу даькъ тӀара болх дикагӀа тоабара бола никъ лаха», - аьлар «Сердало» газетага Миннаце.
Ӏаьдала тайп-тайпарча балха доакъоша шоайла дӀахьош болча балха бувзам чӀоагӀбе йиш хилар, цо дӀахойодача хана мехка кхерамзлен Ӏалашо яра болх чӀоагӀбеча новкъостал дергхиларах дар керттера дийца дош.
Белгалдаккха дезаш да, цу тайпарча кхетаченаша лоархӀаме дакъа дӀалоац къамашта юкъера бувзам чӀоагӀбара даькъ тӀа, хӀаране кхерамзлен чӀоагӀо йолаш вахар хилийтара.
