Россе Турпал волча Боканаькъан Мустафайх даьккха фильм хьахьекхар вай мехка
Культуран оагӀонцара кхетаченаш каст-каста дӀакхахьа лаьрхӀад «Даьхен лорбой» яхача филиала ганзо. Россе турпал, подполковник волча Боканаькъан Мустафайх лаьца фильм гойтар цига укх наькъа. Из хоам «Сердалога» бир ганза кулгалхочун гӀонча йолча Наурбенаькъан Фаринас.
«ТӀема доакъашхошта, цар дезалашта гӀо деш йолча «Седкъа» яхача оагӀоно вӀашагӀбеллача балхага хьежар тӀема доакъашхой санна, юкъарча, политически балхий доакъашхой, кагирхой, тайп-тайпарча моттигашкара къахьегамхой. Боканаькъан Мустафай берал, кхийна ха, цун хьамара цӀи хийцача ишколера дешар, лийрхӀараш, дагалаьттараш юкъедихьадар фильманна», - йоах хоамо.
Фильман юкъе дакъа лоацаш хиннаб подполковника гаргара нах, хьехархой, бера хана хинна новкъостий, тӀехьарча хана цунна уллув хиннараш.
