«РобоФест-2026» яха технологически фестиваль дӏайихьар вай мехка
Тахан хьадаьннача цхьаццадарашца болх бовзийташ йола «РобоФест-2026» яха моттигера технологически фестиваль дӏайихьар вай мехка. Наьсарерча Берий исбахьален ишкола филиал йолча, шахьарерча № 1 йолча гимназе хьайийллача кердадараш доаржадеш йолча ишколе дӏайихьар фестиваль. Таханарча ханага хьежжа, тайп-тайпара оагӏонаш довза берашта аьттув луш йола моттиг я из.
«Шахьарерча гимназе тха ишкол хьаеллар, берашта пайда беш хилар. Роботош шоаш хьаеш, царцара болх дикка шаьрбеш да бераш. Цхьацца хӏама шоай кулгашца, хьаькъалца хьакхолларал совгӏа, шоай проекташ дуккхача наха хьалхашка боаггӏача боараме дӏайовзийта, йоаржае ӏомаду бераш.
Из да керттера декхар», - дийцар «Сердалога» Берий исбахьален ишкола кулгал деча Мержой Лидифас. Фестивал йолча хана, медиаконтент хьакхоллаш къахьегаш дар кхыдола бераш. Къона инженераш роботех боахкача юкъа; сурташ, видеош хьакхолларах йолча студерча кхыдолча бераша бӏарчча репортаж вӏашагӏйоллар из еррига хьатӏайоаккхар.
Дикка белгалбаьлар цу дийнахьа къона медиаговзанчаш бола Гуражнаькъан Ислам, ӏумаранаькъан Хьасан. Цар проекто хьагойтар, таханарча медиатехнологеца дувзаденнараш берашта малагӏча боараме довз.
