Къахьегама гӀулакхех йола бокъонаш лораяра семинар дӀайихьар мехка
Дерригача дунен къахьегама бокъонех дола ди хьатӀакхачарца ювзаяь, семинар дӀайихьар вай мехкарча цу оагӀонцарча Паччахьалкхен инспекце. Из хоам «Сердалога» бир цу моттигера.
«Шоай балхаца пайдане хургдараш, кердадараш дайзар кхетаче гулбеннарашта. Къахьегама гӀулакхех йолча бокъонашта юкъе хувцамаш дарах дийцар кхетаче, иштта лекцеш дӀайихьар.
Гулбеннараша доаржадеш дийцар болх беча моттигашка нийслуча хатарех, уж тахкарах», - хоам бу тха газетага. 1989-ча шера денз, дездеш да из ди, болх беча моттигашка вахар хаьдараш дагалоацаш Канаде, США къоастадаьча денца дувзадаь.
Болхлой кхерамзлен хьал лорадар, болх беча моттигашка хатараш хургдоацаш къахьегар керте оттадара тӀехьа дездеш да из ди. Укх шерарча цӀайна керттера тема - «Къахьегама гӀулакхех болча оагӀонцара революци, кхерамзлен хьал лорадар».
