Наха низ барца, уж ӀотеӀабарца къовсам лоаттабе Ӏомабелар республике
Наьсарерча № 8 йолча ишкола дешархошца, наха низ барца къовсам лоаттабара хетаяь кхетаче дӀайихьар мехкахбаьхача наьха Мемориальни комплексе. Из дӀайихьар яр Ӏилман болхло йола Овшанаькъан Аьсет.
«Ма ярра «Наха низ бар», «Наха низ бу саг», «Нах 1оте1абар» яха оагӀонаш тохкаш болх дӀабихьар оаха берашца; цӀаьхха, из тайпара хатар хилча, эггара хьалха де дезар фуд дийцар. Берий кхетам чу уж дешаш мишта дисад хьожаш, викторина дӀайихьар оаха. Наха низ бар яха зулам тахан даьржад, из во шийх хьокхалургдац ала йиш йолаш бац дунен тӀа цхьаккха мохк. ХӀара шера дукха адам леш латт, цу тувлбеннача моастагӀаша доаржадеча хатарах. Вай дерригаш духьалъовтта дезаш зулам да из!» - дийцар «Сердало» газетага Овшанаькъан Аьсета.
Белгалде деза, иштта йола кхетаченаш кагирхошца дӀакхахьар лоархӀаме долга. Кхувш латтарашка массахана дӀадувца деза, из хӀама доаржадерашта деча таӀазарах, наха юкъе во доаржадечо эггара хьалха ший ираз доаделга.
