Беканаькъан Тембота хетаяь, дзюдох йола турнир хилар
ГӀалгӀай мехка дӀайихьар дзюдох йола моттигашта юкъера ондаргий яхь, из хетаяь яр бӀаь шу хьалха литература кхоллара, дешар доаржадара шийгара доккха дакъа юкъеденача, цул совгIа «Сердало» газет хьакхоллаш къахьийгача Беканаькъан Тембота. Цига гулвелар 280 къона спортсмен. Уж баьхкабар Селашкахьара, Нохчашкахьара, вай мехкара.
«Хьалхара тоабашта юкъера моттиг яьккхар МагӀалбика кхален Йоккхача-Ачалкхерча физкультурно-унахцӀенон моттиге Ӏомалучар. ШоллагӀа, кхоалагӀа моттигаш яьхар Наьсарен кхален викалаша: Дошалкъий-Юртарча, Аьлтий-Юртарча тоабаша», - аьлар «Сердало» газетага МагӀалбика кхален администраце зарбан болх лелабераша.
ГӀалгӀай мехка эггара чӀоагӀагӀа лоархӀаш я дзюдо. Цудухьа вайцигарча дзюдоисташа дика говзал гойт, шоайла дӀахьош йолча яхьашка.
Укх наькъа а къона спортсменаш, 2011-2016 шерашка баьраш, дика кийчо яь бар.
