ГӏалгӀай мехка профессиональни самбох йола яхьаш хилар
Дӏадахача салоӀача деношка, Наьсарен Олимпийски кийчон спортивни ишколо тӀаийцар «Кавказа Кубок» яхача профессиональни латарах йолча къаьстача а тоабай а яхьий доакъашхой, яхаш, дийцар «Сердало» газетага самбох волча Россе Федерацен вице-президента Янданаькъан Абте.
«Яхьаш дӀайихьар шин даькъа йийкъа, уж дӀахьош яр ГӏалгӀай республикан самбо Федераце сий долча президента Янданаькъан Бийсолта совгӀат даккхара тӀехьа. Цу тайпара, «курткаш йоацаш латар» яхача яхьий даькъе котъяьлар «Эскар» яхача латархой клуба тоаба. Цул дукха тӀехьа ца юсаш, шоллагӀа моттиг яьккхар Нохчий Республикан тоабо, Майросиев Асадуллай хьалхаленца. КхоалагӀа моттиг яьккхар Селий мехкарча спортсменаша», - аьлар тхога баьча хоамо.
«Курткаш йоацаш латара» шоллагӀча даькъе дика толам баьккхар Мустафаев Ахьмада кхебеш болча спортсменаша. ГӏалгӀайчен «Эскар» яхача клуба латархой тоаба, из Ӏомаер Хазанаькъан Назир ва, шоллагӀча моттиге хилар. КхоалагӀча тоабан моттиге хилар Гелисханаькъан Абдулла, цун клуб WӀLD DӀVӀSӀON.
Тхоца къамаьл даьчо яхачох, деррига юкъара карагӀдаьннар дӀалаьрхӀача, цхьа балл мара башхало йоацаш, карара кара тела «Кавказа Кубок» кхаьчар «Махачкала» яхача селий тоабанна.
