«Довза хьай дин» яхача яхьа шоллагӀа бӀал хилар
19.03.2025 15:02
«Довза хьай дин» яхача яхьа шоллагӀа бӀал дӀабихьар Магасе. Кагирхошта чӀоагӀа беркате йолаш кхетаче яр из, динцара шоай кхетам бовзарал совгӀа, дукха хӀама да цигара хьаэца. Кагирхой кхетачений цӀен болхлоша бир из хоам «Сердалога».
«ЧӀоагӀа лоархӀаме, кагирхой дегаш ураоттадеш, динцара безам совбоаккхаш беркате гӀулакх да из. Даьла элчан (Даьлера салам-моаршал хилда цун) вахара наькъаца, цун гаргарча нахаца, асхьабашца дувзаденна дар хаттараш. ХӀаравар коталонга кхача гӀерташ, дог ураэтта, динца ший мел бола кхетам сомабаьккха хьувзаш вар», - дийцар спикер волча Ӏаьлас.
Белгалде деза, цу беркатеча гӀулакха хьалхаэттар кагирхой политикахи туризмахи йола министерство йолга.
