Вайцига дӀадихьар «Росси йовзаш лелар» яха хьаькъале ловзар
11.06.2024 10:32
ГӀалгӀайчен дешархой дӀахо дӀахьош ба, ахкан ханара шоай кхоллама болх. Укх деношка Илдарха-ГӀалан №1 йолча юкъерча ишколе бераша дӀадихьар «Росси йовзаш лелар» яха хьаькъале ловзар, яхаш, дийцар «Сердало» газетага ювцача ишколе.
«Из безаме яхь чӀоагӀа гӀаддаха тӀаийцар бераша. Болх вӀашагӀбеллараш бар кулгалхочун кхетам балара даькъ тӀара гӀончаш: Мержой Хьава, ЧӀасанаькъан Зура. «Седкъилг» яхача унахцӀенон лагере салоӀаш долча берашта, дегагӀоз хилар цох.
Бераша хаттарашта жоп даларал совгӀа, шоайла а эшаш бола кхетам ийцар.
Россе гимн лакхарца йистеяьлар кхетаче.
Кхелахой бар дешара моттигашкара хьехархой, «Даьхен Лорбой» яхача гӀойлен фонда болхло Оздой Тимур.
