Спорта министерствон кулгалхочунца «Классера вӀашагӀкхетар» хилар
«Классера кхетаченаш» яхача проекта доакъашхо хилар спортахи, физически культурахи йолча министерствон кулгалхо вола Белхарой Руслан. Ушинский Константина цӀи лелаеча Наьсарерча № 21 йолча ишкола дешархошца вӀашагӀкхетар дӀадихьар хьакима. Из хоам тха «Сердало» газетага кхаьчаб министерствера.
«Министр санна кхетаче дакъа лоацаш вар спортацарча латарех йолча Федераце вице-президент, эллиной-румий латарах болча оагӀон тренер Манкенаькъан Бек-хан.
Берий мел дола хаттараш доашхаш ха яьккхар цар. Министерствон кулгалхочо къонача тӀехьен хьалхадаьккхар, лакхача толамашка кхача, вахаре йизза моттиг дӀалаца дика дешаш, къаман яхь лораеш чакхвала везилга», - дийцар тха газетага. Дешархой чӀоагӀа раьза болаш дӀаяхар из кхетаче. «Иштта йолча кхетаченаша кхувш латтарашта пайда лулгах шеко яц. Берий спортацара, дешарцара безам совбоаккх цу гӀулакхо», - белгалдир министра.
