«Из кхетаче дӀахьош хилара бахьан дар, мехка дешара моттигашка керда кхетам балара оагӀув юкъеяккха езаш хилар, цаӀ йола балхацара юкъара уйла цу даькъ тӀа болх беш болча хьехамчий хургйолаш. Цига дакъа лоацаш хилар ГӀалгӀайчен дешара, Ӏилман Министерствон кулгалхочун гӀонча Угурчанаькъан ПаьтӀамат, «Хьалхарчар болам» яхача моттигерча даькъа кулгалхочун гӀонча Пхьошанаькъан Зоврбик, доал деча даькъ тӀара дешара говзанчаш, цар цига йийцар массехк тема», - аьлар газетага хоам бечо.

Хьалхарча аргӀагӀа, цига дакъа лоацаш хиннараша дийцар кхетам балара болх вӀашагӀболлара говзалах. ДукхагӀа теркам тӀабахийтар дешархоша юкъара болх дика дӀабахьара, кагирхой тайп-тайпарча цхьанкхетарашка дакъа лоацаш уж хилийтара. ДегӀаахара, иштта шоашкара дакъа лацара таронаш совъяха езаш хиларах а дийцар гулбеннараша, берашта кхоллаш дола хьалаш дувцача хана.

«Массайолча дешара моттигашка кхетам балара болх дика вӀашагӀболлаш йола штабаш я: бераша шоашта ховш дар гойтаргда центрашка, ишколай исторически музейшка, спортивни клубашка, лорий центрашка - цар дика йоаржаю вай балха оагӀув. Кулгалхоша-хьехамчаша беш бола болх бахьан долаш, дукхача бераша хьагойт шоашта карагӀдоалар, дика дакъа лоац тайп-тайпарча кхетаченашка», - иштта хет «Берий наькъаш» яхача проекта болх лелабеча Колой СаӀида.