Йоккха кхетаче дӀайихьар Минспорте
Физически культурахи спортахи йолча Министерствон хьалха латтача Белхарой Руслана йоккха кхетаче дӀайихьар ший болхлошца. Из хоам «Сердалога» бир цу моттигера.
«Кхетаче дийцар дӀадахача шера карагӀдаьннарех, иштта 2025-ча шера кхоачашъе езача проектех. 2024-ча шера Шолжа-Шахьаре, Буро кӀалха хьайийллар лувча Ӏам бола ФОК. Сурхо тӀара спорта моттигаш тоаеш, цига эшаш йола хӀамаш эцаш, болх бир»,- дийцар тха газетага.
Министра белгалдир, вай мехка физически культура йоаржаеш латтилга. 50% -га кхоачаш болча бахархошта спорт шоай вахаре лоархӀаме я аьнна хет. ХӀаьта тахан эггара керттердар - спорта мел эшаш дар ма хулла Ӏалашдар. Кхетаче чакхйоалаш белгалбаьннача тренерашта, спортсменашта, иштта кхыболча болхлошта грамоташ, удостоверенеш дӀаделар хьакима.
