ГӀалгӀай мехка кхетаче хилар РФ Культура. РRО даькъ тӀарча кулгалхочунца
ГӀалгӀайчен культуран министра Лаьнанаькъан Залинай кхетаче хилар РФ Культура. РRО даькъ тӀарча а «РФ Культура» портала а кулгалхочунца Минаев Александраца. Цу кхетаче дакъа лоацаш, «Медиа Сервис» ООО Ӏаьдалца бувзабенна болх дӀабахьара бола кулгалхой Корниенко Александр, Макеева Юлиана, министерствон викалаш хилар.
Кхетаче дӀахьош дийцар, ГӀалгӀайчен Министерствонна а РФ Культура. РRO оалача даькъа а юкъера болх дӀабахьарах, культуран проекташ дегӀайоалаярах. Лаьнанаькъан Залинас, Минаев Александра шоайла дийцар ГӀалгӀайчен культурни тӀехьале наха юкъе йоаржаяра йола проекташ кхоачашъярах, республикан бахархой культуран кхетаченаш дукхагӀа хилийтарах», - аьлар «Сердало» газетага мехка культуран Министерствос.
Кхетаче дӀайихьар паччахьалкхен викалаша, таьрахьий кӀийлен болх бувцаш, лоархӀаме декхараш кхоачашдара дӀахойодача хана де дезар белгалдеш, цу юкъе «Пушкински карта» программа а йолаш.
Шинна а оагӀоно дийцар, цу программа хьал, из дӀахо дегӀайоалае езарах лаьца. Иштта техкар из карта леладара таронаш дукхагӀа хургйола дешаш.
