ГӏалгӀай мехка МВД ветеранашца, СВО доакъашхочунца дешархой кхетаче хилар
Сийлахь-боккхача Даьймехка тӀем тӀа Котало яьккха 80 шу дузаш хилара хетаяь, Гӏажарий-Юртарча культуран ЦӏагӀа моттигерча ишкола дешархой кхетаче хилар; МВД ветеранашца, СВО доакъашхочунца, яхаш, дийцар «Сердало» газетага бокъонаш лораераша.
Дешархошта хьалхашка къамаьл дир Денала Орден лелаеча, гварде майора Гаданаькъан Исраила - 5-ча къаьсттача танкай бригада батальона штаба кулгалхочо; ГӏалгӀай Республике гӀолла йолча МВД ветераний Совета председатела, балха тӀара мукъаваьннача милице полковника Котанаькъан Мухьмад-Сале.
Хьаьшаша дийцар берашта Даьхен лорбой турпалал миштад - цар Сийлахь-боккха Даьймехка тӀом лаьттача шерашка а таханарча тӀем тӀа а, цу юкъе терроризм йолча хана, лаьрххӀача операце дакъа лоацаш хиларах. Къаьстта терко тӀаяхийтар Даьхе езаш хилара, ший мохк лорабе безара.
Кхетаче йистеяьлар, сурташ доахаш, иштта Гаданаькъан Исраилá денал гойтарах, кхетаче дакъа лацарах совгӀат луш.
