ТӀема операцен доакъашхочунца кхетаче йир дешархоша
04.09.2024 11:28
Шолжа-Шахьарерча ишкола-интерната дешархошца кхетаче йир «Даьхен Лорбой» яхача ганза филиало, Росгварде болхлоша. Кхетаче дакъа лоацаш вар лаьрххӀача тӀема операцен доакъашхо.
«Берашта дийцар, тахан Даьхен моттиг лораеш, лакха майрал, денал гойташ латтача къаман сийдолча къонгех. Иштта кхетаче хьоахадир наха низ бар яхача зуламах, тӀехьарча шерашка цу оагӀонца хиннача хатарех.
2004-ча шера Берса-Юрта хинна унзара хатар дагалаьцар массане», - дийцар «Сердало» газетага из кхетаче вӀашагӀъеллараша. Берса-Юрта, иштта кхыйолча моттигашка зуламхоша яьча терактех дийцар берашта.
