ГӏалгӀай МЧСа болхлой Ӏомабалара аргӀанара болх дӀахьош хилар
10.07.2025 14:49
АргӀанара цӀера-тактически Ӏомабалар дӀадихьар республикан МЧС болхлоша «Магас» спорта Цӏен доазон тӀа, яхаш, дийцар «Сердало» газетага ГӏалгӀай мехка гӀолла йолча Россе МЧС ГУ.
Ӏомабалар дӀадахьара йолча сценарех дар, спортивни урхаллен кхача кийчбеча даькъ тӀа цӀи ялар.
Ара геттара йӀайха хиларга хьежжа доацаш, бӀарчча цӀи йоаяра гӀирс тӀабувхача чоалханерча хьала болхлоша тахка дезаш дар гӀишлон чура хьал, цига човнаш хиннараш арабаха, тӀаккха цӀи дӀайоае. Из иштта хила а хилар.
«Ӏомабалар дӀахьош, нах кӀалхарбахара тайп-тайпара технологеш, кхыдола хьалаш юкъедахара; иштта МЧСа болхлошца цу гӀишлон кхыча сихача хьалий говзанчаша бувзам лелабара болх техкар», - аьлар ГӏалгӀайчен МЧСе.
