Палестинера бехача наха лаьрхӀа, «Вай - цхьана» яха кхетаче дӀайихьар мехка
Республике Ӏеш болча палестинера бехача наха лаьрхӀа, «Вай - цхьана» яха спорта-кхетам балара кхетаче дӀайихьар Наьсарерча мемориала болхлоша. КъорӀа дешаш, динцара хаттараш деш, иштта кхетама хьал тохкаш дола хаттараш луш, ловзараш юкъедоахаш дӀаяхар кхетаче.
«Шин тоабанна бийкъабар доакъашхой: «Газа», «Аль-Кудс». ХӀаравар коталонга кхача гӀертилга гуш дар цига. Хьалхаваларца ший тоаба коталонга кхоачае гӀертар хӀаравар. Берригаш дог айденна болаш, сакъердаме дӀадахар из гӀулакх. Котало яьккхар «Газа» яхача тоабо. Беррига доакъашхой вӀаший кхотабеш, цхьа хоза цӀай дар из», - дийцар «Сердалога» из кхетаче дӀайихьараша.
Белаш, гӀозбаьнна бар Палестинера бехараш. ГӀалгӀай мехка яьккха ха дагаухийтаргья царна дагалоацама деннача дуккхача совгӀаташа.
