«Наьна мотт-къаман са» яха кхетаче дӀайихьар мехка
20.02.2025 10:47
Республикерча Паччахьалкхен кхоллама колледже дӀайихьар «Наьна мотт- къаман са» яха кхетаче. Из хоам «Сердалога» бир цу моттигера.
«Масса оагӀон студенташ гулбеннабар из кхетаче хьаллаца. ГӀалгӀай къаман культура, истори шоаша лоархӀилга хьагойташ бар студенташ. Наьна метта кӀоаргал, цун хозал белгалъеш бар артисташ, лакха начӀал гойташ», - дийцар тхога.
Хьехархоша дийцачох, шоай къаман мотт, культура, Ӏадаташ лоархӀаш, дезаш бола кагирхой ураоттабе гӀерт уж тахан. Къонабарий дегашка массахана хила беза наьна меттацара безам, ший къаман хӀама лархӀар, цун сий деш хилар да из.
