Плисецкая Майяйна хетаяь кхетаче дӏайихьар мехка
21.11.2025 09:37
Кхолламах йолча Паччахьалкхен колледже, XX-ча бӏаьшаре цӏихеза хинна балерина Плисецкая Майя яьча денна хетаяь кхетаче дӏайихьар. Халхарий оагӏонцара хьехархо Меданаькъан Х. яр цу гӏулакха хьалхаэттар. Дерригача дунен йовзаш хинна артистка дагалоацаш, кийчъяьр йоккха программа яр.
«Халхарий оагӏонца говзал ӏомаеш бараша шоаш дӏабовзийтар цига. Плисецкая Майяй кхоллама, вахара никъ, цун кхоачашде аьттув баьннараш довзийташ моттиг яр из.
Студенташа лаьрххӏа кийчо яьяр цу кхетаченга, из гуш дар цига эттача суртах», - дийцар «Сердалога» колледжа болхлоша. Студенташта баркал оалаш, чакхъяьлар кхетаче. Цӏихезача балеринай вахара, кхоллама никъ ма барра бовзийташ; болх чакхбаьккхар колледже.
