Бокъонаш лораеча эскаре гӀулакх даьчар Денна хетаяь, кхетаче хилар
Укх деношка, ГӀалгӀай мехка дӀайихьар бокъонаш лораеча эскара ветераний Денна хетаяь кхетаче. Росгварде болхлоша тахан шоашта юкъе боаца тӀема новкъостий дагалаьца, цар сий дир, яхаш, дийцар «Сердало» газетага доазон цигарча зарбан болх лелабераша.
«Цу лоархӀамеча денца дувзаденна, ГӀалгӀай Республике гӀолла йолча Росгварден Урхален кулгалхочо Буружанаькъан Микаила кхетаче дӀайихьар Илдарха-ГӀалий тӀа, хьалха цу гӀулакхе лаьтта нах вӀашагӀтеха, царна юкъе вар Наьсарен бӀена командира гӀонча Васильев Александр. Росгвардейцашца, иштта ГӀалгӀайчен кагирхошца ветеранаша бувзам лелабе безаш хилар дар цига керттера дийцар», - аьлар хоамо.
ШоллагӀча аргӀагӀа гулбеннараша, тӀема шоай новкъостий дагабохаш, йист ца хулаш, минот яьккхар; цигарча доазон тӀарча сийленга тӀа зизаш даьхкар.
«Ветераний мах баь варгвоацача балха говзало тахан таро хулийт эскара дикагӀа йола балха оагӀув вай кагирхошта дӀайовзийта; тӀема гӀулакх Ӏомадерашта, къонача болхлошта хьехам бала», - аьлар полице инарал-майора Буружанаькъан Микаила.
