«Ялсмала вугаш бола кхетам»
13.03.2025 10:44
«Ялсмала вугаш бола кхетам» яха кхетаче дӀайихьар ГӀалгӀай паччахьалкхен университета физико-математически факультета профкома кулгалхо йолча Тиймарзанаькъан Лейлас. Из хоам «Сердалога» бир цу моттигера.
«Рамадан бетта хетаяьча кхетаче шоай динцара кхетам лакхбе аьттув баьлар гулбеннарий. Даьла дин доаржадеш, доккха дакъа лаьцача кхалнахах дийцар цига. Къаьстта терко тӀайохийташ хьоахадир Рамадан бетта тӀехьарча итт ден дозалах. Ма хулла дукхагӀа Ӏибадат деш, уж бийсаш дӀаяхьара тӀахьийхар кагирхой», - дийцар тхога.
«Оаха баркал оал из гӀулакх хьаллаьцачарна. Динцара кхетам чӀоагӀбарал совгӀа, вӀаший бовза, бувзам чӀоагӀбе моттиг яр из», - дийцар Тиймарзанаькъан Лейлас.
