ГӀалгӀай мехка чакхъяьлар, 17-18 шу даьннарашта юкъера боксах хьалхале яккхара яхьаш
30.12.2024 22:29
ГӀалгӀай мехка хилар, дунен халкъашта юкъерча спорта мастера Зовранаькъан БайӀаьланна хетаяь, 17-18 шу даьннача ондаргашта юкъера боксах хьалхале яккхара яхьаш. Из хоам газетага бир моттигерча спорта министерствос.
«Юкъара хьаийцача, яхьашка дакъа лоацаш хилар тайп-тайпарча спортивни клубашкара 80 саг. Цига сийдола хьаьша санна вена хилар спорта министр Белхарой Руслан. Цунна бокъо елар тӀоарска кулгахйоаллорга говзанчашта майдилгаш, сийлен грамоташ, ахчан совгӀаташ дӀадала», - дийцар хоам баьчо.
Яхьех дувцаш, министра белгалдаьккхар; вай кагирхой иштта спорт езаш, цунца чам болаш хилар ше гӀадвугаш да, аьнна.
