ТӀема операце бӀухой кхелха таьзеташ хилар вай мехка
25.02.2025 12:40
ТӀема операце бӀухой хинна Къоастой Ислам, Дзовранаькъан Мухьмад кхелха таьзеташ эттар вай мехка. Наьсаре, ТӀой-Юрта дӀадихьар таьзеташ. Из хоам «Сердалога» бир керттерча хоамий моттигера.
«Къонгаш дӀабаьнна халача хьале эттача гаргарча наьха дог тедеш, йистхила таьзете гулбелар Ӏаьдала болхлой, иштта Мехкадаь администраце кулгалхочун декхараш кхоачашдеш вола Мархенаькъан Анзор, хьалхара вице-премьер Йовлой Мухьмад, Парламента хьалха латта ТӀумхой Мухьмад», - йоах хоамо.
Йовлой Мухьмада белгалдир, къонгаш дӀабаьннача дезалашта новкъостал дергхилар, иштта мехкадас Келаматанаькъан Махьмуд-Ӏаьлас загӀан дайта ахча дӀаделар цо.
