Дунен шоллагӏа тӏом чакхбаьнна 80 шу дизарах дийцар, мехка цхьан истола гонахьа гулбенна
«Цаӏ йола Росси» яхача парте моттигерча исполкома «Даьхе- вай» яхача федеральни проекта тоабаца Магасе дӏайихьар тӏема Котало яккхара 80 шу дизара хетаяь кхетаче. Шахьаре гулбелар тӏема истореца дувзаденнарех дувца ветеранаш, юкъарлен оагӏонцара болхлой, ӏаьдала болхлой, кагирхой.»
«Даьхе-вай» яхача проекто хьаллоацаш, «Студентий гварди» музейс вӏашагӏделла «Росси Ха» яха кино хьекхар цига. Паччахьа ханашкара денз таханарча ханага кхоачаш российски бӏухоша гойтача майралах, деналах дийцар цу чу. Хӏаране дог тохадолийташ дар кино», - дийцар «Сердалога» цу моттигера.
Иштта йола Даьхенцара безам, лерхӏам чӏоагӏбарах йола кхетаченаш дӏакхахьар чӏоагӏа лоархӏаме долга белгалдир кхетаче. Котало вай мехкага малагӏча маьхаца кхаьчай, кхувш латтача къонача тӏехьенга из массахана дӏадувцар мел лоархӏаме да, дийцар гулбеннараша.
