Хьоашаланаькъан ӏаьланна хетаяь, хоза дешарий яхь хилар республике
Наьсарен №23 йолча ишколе республикан яхь дӏайихьар, Хьоашаланаькъан ӏаьлан байташ дикагӏа еша ховш вар белгалвеш «Хоастам хьона, тха мохк, хоастам!») Из вӏашагӏъеллаяр культуран ганзо «Шолхи». Кхетаче гулбелар ерригача республикера къона начӏал дола дешархой.
Бераша гойтар, духхьал дешарах кхеташ хиларал совгӏа, хӏара деша маӏан а шоашта довзаш хилар. Уж хьежар гулбеннарашта дашха, ма дарра деша хозал дӏагойташ, Хьоашаланаькъан ӏаьлан, гӏалгӏай метта терко еш, яздеш дола дешаш. Хӏара дош ший тайпарча дунен тӏа кхоачавеш, низ чуболийташ дар», - аьлар «Сердало» газетага яхь вӏашагӏъеллараша.
Цига хиннача кхело терко тӏаяхийтар, бераша дӏаоала хӏара дош, юхасацар, цар цун маӏан кхетадеш хилар, сага уйла тӏаоза хар долаш дешаш хилар. Яхь чакхъяьлча, кхелахоша шоай дош аьлар, хӏара даькъ тӏа ший тайпара терко тӏайохийташ, деррига юкъедоаладеш.
Кастлуш ховргда котбаьннарий цӏераш, царна лургья сийлен грамоташ, иштта дагалоаттама совгӏаташ.
