Даьча зуламца дувзаденна, хьакима духьала гӀулакх хьадийллар вай мехка
16.08.2024 11:19
Бокъо йоацача тайпара балха гӀулакхаш леладаь хьаким гучаваьлар вай мехка полици болхлошта.
Из хоам «Сердалога» бир МВД.
УнахцӀенон министра хьалха хиннача гӀончас бокъо йоацача тайпара лелаяь базар гучаяьлар УЭБ, МВД, Росси МВД ВОГ болхлошта.
Ӏаьдала болхлоша белгалдечох, 2020-ча шера бӀаьстан хьалхарча бетта ахкан тӀехьарча беттага кхаччалца, унахцӀенон гӀулакхех йолча Министерствон дарбанчешка эшаш дола гӀирсаш лоаттаде 100 млн сома бартчӀоагӀо яьй цо. Уж хӀамаш лоаттае еза фирма цун гаргарча сага хиннай, каьхаташка диллача, бакъда тохкама болх дӀабихьача гучадаьлар, Ӏаьдало оттаяь бокъонаш толхаеш, цу гӀулакха кулгал деш хиннар из ше волга», - йоах хоамо.
Цунна духьала гӀулакх хьадийлла, ма дарра из хӀама тохкаш ба МВД болхлой.
