Наха низ бара, ӀотеӀабара духьала къовсам лоаттабу мехка
27.08.2024 12:24
Наха низ бар яхача доккхача зулама духьале еш йола кхетаченаш дӀакхухь МагӀалбика кхале. Укх наькъа, терроризма духьала къовсам лоаттабу комисси, дийша нах, Ӏаьдала болхлой гулбелар Йоккхача Ачалкхерча ФОКе ухача кагирхошца къамаьл де.
«ХӀетта кхийна кагирхой ба цу зуламах эггара чӀоагӀагӀа лорабе безараш, хӀана аьлча цар кхетам кегабе аттагӀа да. Цудухьа тха декхар - мишта лорабала беза царна хьалхадаккхар, из зулам доаржадерашта дола таӀазар доккха долга царна дӀахайтар», - дийцар «Сердало» газетага из кхетаче вӀашагӀъеллараша.
Кагирхой тӀахьийхар нийса никъ лелабара, интернетага гӀолла баьржача нах тувлабеча зуламхошца цхьаккха тайпара бувзам цалелабара; нагахьа из тайпара хӀама хоаделча; хье ца луш, Ӏаьдала болхлошка хоам бара.
