ХӀетта малхадаьннача бера чоалхане операци йир вай мехка
28.07.2025 14:21
Кхо кӀира даьннача бера чӀоагӀа хала лоархӀаш йола операци йир вай Перинатальни моттиге. Лораша белгалдечох, пилоростеноз яха лазар долаш малхадаьннад бер.
«Юаш йола хӀама бера кер чу Ӏочуцакхачар да из. Ӏеттадеш, хӀара дийнахьа гӀеллуш латтар бер. Хьалха, иштта могаш доаца бер кхыча мехкашка дарба де дӀахьожадора оаха, хӀаьта тахан, Даьла къахетамца, укхаза операци хьае лакха говзал йола лораш а, эшаш мел бола кхоачам а ба. Операци дика дӀаяхар. Ше садоахаш, хӀама даа могаш да бер», - дийцар тха газетага реанимацена керте латтача Доврбиканаькъан Мухьмада.
