«Спорт вахара духьа» яха футболах дола ловзар хургда вай мехка
12.02.2025 10:29
«Спорт вахара духьа» яха футболах дола ловзар дӀахьоргда кхоана республикерча дикача наьха Клубо. Из хоам «Сердалога» бир КДЛ кулгалхочо Матенаькъан Натас.
Из гӀулакх вӀашагӀделлараша оттадаьчох; бахархоша, хьаьшаша цу ловзара юкъе дакъа лаца билет эца деза, е тайп-тайпара онкологи йолча берашта лаьрхӀа Даьла духьа ахча дита деза.
«Магас» яхача спорта Двореца доазон тӀа араяргья «Ангушт» яха футбольни тоаба, юкъарча балха, культуран, блогерий викалаш. «Боккха пайда беш кхетаче я из. Халача хьале этта бераш бахьан долаш хьагулдала деза вай дерригаш», - аьлар Матенаькъан Натас.
