«Къаьнара Илдарха-Гӏала» яха низ бола ток чуйоагӀаш йола гӀишло тоае лаьрхӀад
![«Къаьнара Илдарха-Гӏала» яха низ бола ток чуйоагӀаш йола гӀишло тоае лаьрхӀад](http://serdalo.ru/storage/qT1uKdjCUJJgYuc5ATuph3LI0TGU9MZN8FzGZURL.jpg)
«Къилбаседа Кавказа россеташа» 1,8 млн сом дӀадохийтаргда «Къаьнара Илдарха-Гӏала» яха низ бола ток чуйоагӀаш йола гӀишло тоаяра, яхаш, дийцар «Сердало» газетага ГӏалгӀай Республикан Кулгалхочун зарбан болх лелабераша.
«Цу гӀишлонах тийша да, ах шахьар дӀалоацаш, наха сердал луш хилар, цу юкъе да наьха цӀенош, ишколаш, берий бешамаш, «Ингушнефта» моттигаш, кхыдола боахамаш», - аьлар республикан кулгалхочо Келаматанаькъан Махьмуд-Ӏаьлас, ше цу дешах лаьца дувцаш.
Цо белагалдир, массехк эзар сага сердал лоаттае из чӀоагӀа эшаш хилар.
Ялх эзар метр тишбенна тока саьрг хувцаргба, из дӀахоттаргба, оалхазараш цунна зе дергдоацаш Ӏалашо ергья.
Цу тайпара балхаш дӀадахьаро таро хулийтаргья Ӏан замалахьа лерттӀа наха сердал хилийта, кхоачамбоацараш юкъера дӀадаха. Иштта лоархӀаме да наха электроэнергех шоашкара доагӀаш дола Ӏаьдала декхар ханнахьа дӀадалар.